भैरहवा । सशस्त्र प्रहरी बल, नेपाल सीमा सुरक्षा गुल्म हे.क्वा. डण्डा रुपन्देहीका प्रमुख सशस्त्र प्रहरी नायव उपरीक्षक गोपिकृष्ण भट्टराई सम्मानित हुनुभएको छ। सशस्त्र प्रहरी बल, नेपाल नं. ५ बिन्ध्यावासिनी बाहिनी मुख्यालयको स्थापना दिवसका अवसरमा सीमा अपराध नियन्त्रण, अवैध सामान नियन्त्रण तथा लागूऔषध बरामदजस्ता क्षेत्रमा उत्कृष्ट कार्यसम्पादन गरेको उच्च मूल्यांकन गर्दै उहाँलाई सम्मान गरिएको हो।
संगठन प्रमुख सशस्त्र प्रहरी महानिरीक्षक नारायणदत्त पौडेल, बाहिनीपति सशस्त्र प्रहरी नायव महानिरीक्षक दीपक अधिकारी र गणपति सशस्त्र प्रहरी उपरीक्षक नवराज बोहराको उपस्थितिमा डिएसपी भट्टराईलाई प्रशंसापत्र प्रदान गरी सम्मानित गरिएको गुल्मले जनाएको छ।
