भैरहवा । सशस्त्र प्रहरी बल, नम्बर २७ गण हेक्वाले भारतबाट अवैध रुपमा ल्याएर भण्डारण गरेको अवश्थामा २ सय ५० बोरा चिनी बरामद गरेको छ । गणका सशस्त्र प्रहरी नायब उपरिक्षक दुर्गा बहादुर थापाको कमाण्डमा खटिएको टोलीले मायादेवी गाउँपालिका वडा नम्बर ५ बुडवामा गोदाम गरिरहेको अवश्थामा ७ लाख ५० हजार मूल्य बराबरको उक्त परिमाणको चिनी बरामद गरेको हो ।
सशस्त्र प्रहरी नायब उपरिक्षक दुर्गा बहादुर थापाका अनुसार विशेष सूचनाका आधारमा राती सवा १ बजे उक्त गोदाममा छापा हानिएको थियो । छापामा २ सय ५० बोरा चिनी बरामद गरे पनि सशस्त्र प्रहरीले कुनै व्यक्तिलाई भने कार्यवाही गरेको छैन । गोठ जस्तो गोदाममा राखिएको र कसैले अहिले सम्म आफ्नो चिनी दावी नगरेको व्यक्तिलाई कार्यवाहीको दायरामा ल्याउन नसकिएको थापाले बताए । उनले यस बिषयमा थप अनुसन्धान भई रहेको र बरामद भएको चिनी थप कार्यवाहीको लागि भैरहवा भन्सार कार्यालय बुझाईएको जानकारी दिए ।
