भैरहवा । जाजरकोट भुकम्पमा परि ज्यान गुमाउने जनप्रतिनिधि सहित ज्यान गुमाउनेहरु प्रति रुपन्देहीको ओमसतिया गाउँपालिकाले शोक ब्यक्त गरेको छ ।
गाउँपालिका अध्यक्ष मन्जित कुमार यादव (सोनु) ले शनिबार एक शोक सन्देश जारी गर्दै भुकम्पबाट भएको मानविय क्षतिले पालिकालाई दुखित र मर्माहित बनाएको उल्लेख गरेका छन् । जाजरकोट, रुकुम पश्चिम लगायतको जिल्लामा परेको दुखमा ओमसतिया गाउँपालिका साथमा रहेको यादवले बताए ।
यादवद्वारा हस्ताक्षरित शोक सन्देशमा भुकम्पमा परि नरगाड गाउँपालिका उपाध्यक्ष सरीता सिंह लगायत सम्पूर्णमा श्रद्धान्जली ब्यक्त गर्दै घाईतेहरुको उपचार एवम राहत वितरणमा अग्रसरता देखाउन आग्रह समेत गरिएको छ ।