नवलपरासी । पूर्व नवलपरासीको बिनयी त्रिवेणी गाउँपालिकाका अध्यक्ष घनश्याम गिरीमाथी हातपात गरेर युवक फरार भएका छन् । शुक्रबार बिहान गाउँपालिकाको कार्यालय परिसरमा अध्यक्ष गिरीलाई स्थानीय सुदीप आचार्यले हातपात गरेर फरार भएको प्रहरीले जनाएको छ ।
जिल्ला प्रहरी कार्यालय पूर्व नवलपरासीका डीएसपी मधु नेपालका अनुसार हातपात गरेर फरार भएका आचार्यको खोजी भइरहेको छ।‘म माथि किन हातापत गरेको थाहा छैन’,अध्यक्ष गिरीले भने, ‘समातिएपछि प्रहरी अनुसन्धानबाट पत्ता लाग्ला ।’
