भैरहवा । बारा जिल्लामा यात्रुवाहक बस दुर्घटना भएको छ । भैरहवा देखि वीरगंज जाँदै गरेको ना ७ ख ६०७६ नम्बरको यात्रुवाहक बस बाराको जीतपुर उपमहानगरपालिका २३ भलुहीमा अनियन्त्रित भई सडक छेउमा पल्टिदा दुर्घटना भएको प्रहरीले जनाएको छ ।
बसमा सवार २२ जना यात्रुहरु मध्ये १७ जना घाइते भएका छन् । जसमध्ये तीन जना गम्भिर, सात जना मध्यम र सात जना सामन्य घाइते भएको जिल्ला प्रहरी कार्यालय बाराका डिएसपी एवं सूचना अधिकारी दधिराम न्यौपानेले जानकारी दिए । घाइते यात्रुहरुको उपचारका लागि वीरगंजको बयोधा अस्पतालमा पठाइएको र बस चालकलाई नियन्त्रणमा लिएर घटनाको अनुसन्धान सुरु गरिएको उनले बताए ।
