भैरहवा । नेको इन्सुरेन्स लिमिटेडले बीमा सम्बन्धी अभिमुखीकरण कार्यक्रम गर्ने भएको छ । ‘नेकोको अभियान, शिक्षामा योगदान’ भन्ने नाराका साथ विद्यालयहरुमा बीमा सम्बन्धी अभिमुखीकरण कार्यक्रम गर्न लागिएको नेको इन्स्योरेन्स लि.लुम्बिनी प्रदेश सहायक प्रमुख गोपाल ज्ञवालीले बताए । फागुन १ देखि २० गतेसम्म यो कार्यक्रम सञ्चालन हुने ज्ञवालीले जानकारी दिए ।
विद्यार्थीहरुमा बीमा सम्बन्धी चेतनाको अभिवृद्धि गर्ने उद्देश्यले कार्यक्रम गर्न लागिएको उनले बताए । ‘बीमा सम्बन्धी सचेतना फैलाउने उद्देश्यले विद्यार्थीहरुका लागि यो कार्यक्रम हुँदैछ । विद्यार्थीहरुमार्फत अभिभावकहरुमा पनि बीमासम्बन्धी सचेतना पुग्नेमा हामी विश्वस्त छौं, ’उनले भने ।
