शोभाखर पन्थी
अर्घाखाँची । नेकपा एमालेद्वारा काठमाडौंमा आयोजना हुने युवा उत्सवमा अर्घाखाँची बाट करिब २ सय ५० युवाको सहभागिता रहने भएको छ । लोकतान्त्रिक गणतन्त्रको बीजारोपण भएको र जनताले जितेको ऐतिहासिक दिनका रूपमा बैशाख ११ गते काठमाडौंको भृकुटी मण्डपमा आयोजना हुन लागेको उत्सवमा जिल्लाका प्रत्येक वडा बाट कम्तिमा ३ जनाको सहभागिता सुनिश्चित हुनेगरी करीब २ सय ५० जना काठमाडौं जाने तयारी भएको एमालेले जनाएको छ ।
यसैबीच नेकपा एमाले जिल्ला सचिवालयको बैठक आज जिल्ला पार्टी कार्यालय सन्धिखर्कमा सम्पन्न भएको छ । बैठकले बैशाख ११ गते काठमाडौंमा हुने युवा उत्सवमा जिल्लाको सहभागिता बारे ठोस योजना निर्माण गरेको छ । साथै बैठकले बैशाख-९ गते नेपाल कम्युनिष्ट पार्टी स्थापना दिवसको अबसर पारी सन्धिखर्कमा बिचार गोष्ठी संचालन गर्ने निर्णय गरेको छ ।
बैठकले पार्टीले संचालन गरेको वडा केन्द्रित पार्टी निर्माण अभियान-२०८१ बारे समिक्षा गर्नुका साथै पार्टी सदस्यता नविकरण र बिस्तारको कामलाई थप तिब्र बनाउने, जनताको चाहना र स्थानीय आवश्यकताको आधारमा वडा तहदेखि नै विकासका योजना छनौट गरी पठाउन आग्रह गर्ने लगायत पार्टी जिवनमा प्रभाव पार्ने विभिन्न महत्त्वपूर्ण निर्णयहरु गरेको नेकपा एमालेका कार्यालय सचिव लिला बरालले जानकारी दिनुभयो । साथै बैठकले पार्टीका नेता , शैक्षिक तथा सामाजिक व्यक्तित्व सन्धिखर्क -२ शंखेटारी निवासी कृष्णप्रसाद पोख्रेलको निधन प्रति गहिरो दु:ख व्यक्त गर्दै उहाँको निधनले पार्टीलाई अपुरणीय क्षति भएको भन्दै , दिवंगत नेता पोख्रेल प्रति भावपुर्ण श्रध्दाञ्जलि अर्पण गर्दै शोकाकुल परिवारजनमा समवेदना प्रकट गर्ने निर्णय गरेको छ ।
बैठक नेकपा एमाले केन्न्द्रीय सल्लाहकार परिषद सदस्य नरेन्द्र कुमार क्षेत्रीको प्रमुख अतिथ्यता,जिल्ला कमिटी अध्यक्ष पीताम्बर भुसालको अध्यक्षता, उपाध्यक्ष शम्भुप्रसाद पोख्रेलको स्वागत मन्तव्य र सचिव तोजबहादुर रायमाझी बिधानको संचालनमा सम्पन्न भएको थियो ।
