भैरहवा । राष्ट्रिय वैश्य महासंघ नेपालको रुपन्देही जिल्ला कमिटी गठन भएको छ । भैरहवामा सम्पन्न एक भेलाले समाजसेवी अमित गुप्ताको अध्यक्षतामा २७ सदस्यीय जिल्ला कार्यसमिति सर्वसम्मतरूपमा चयन गरेको हो । नवनिर्वाचित अध्यक्ष गुप्ता पर्यटन व्यवसायी तथा युवा समाजसेवीको रुपमा पनि सक्रिय हुनुहुन्छ । उहाँ जायसवाल सेवा समिति, रुपन्देही तथा नागरिक समाज रुपन्देहीका अध्यक्षसमेत हुनुहुन्छ ।
नवगठित कार्यसमितिको उपाध्यक्षमा अशोक कुमार शाह, जोगेन्द्र अग्रहरि, पूर्णिमा रौनियार, शत्रुधन पण्डित र बेचन प्रसाद गुप्ता चयन हुनुभएको छ । यसैगरी, महासचिवमा तालकेश्वर कान्दु, सचिवमा गणेश गुप्ता, विजय कौशल र अरुण केसरी तथा कोषाध्यक्षमा त्रिभुवन अग्रहरि र सहकोषाध्यक्षमा किरण गुप्ता, पप्पू कौशल र दिपेश गुप्ता चयन हुनुभएको छ ।
समितिका सदस्यहरूमा सञ्जय रौनियार, उषा जैसवाल, सारदुल कसौधन, हरेन्द्र पटवा, गिरजाशंकर गुप्ता, रूबी रौनियार, राजकुमार बनिया, इन्द्रजीत शाह, योगेन्द्र गुप्ता, अशोक कुमार गुप्ता, विरेन्द्र कोहर र कन्हैयालाल सेंदुरिया रहनुभएको छ । भेलाले महेश गुप्तालाई प्रेस सल्लाहकारमा मनोनित गरेको छ ।
राष्ट्रिय वैश्य महासंघ नेपालका वरिष्ठ उपाध्यक्ष रामचन्द्र साहको प्रमुख आतिथ्यतामा कार्यक्रम सम्पन्न भएको थियो । कार्यक्रममा महासंघका राष्ट्रिय सचिव तथा कार्यक्रम संयोजक राम उदार महासेठ र राष्ट्रिय सचिव बजरंगी साह लगायतको उपस्थिति रहेको थियो । कार्यक्रमको सञ्चालन नवनिर्वाचित महासचिव तालकेश्वर कान्दुले गर्नुभएको थियो ।
पब