भैरहवा । सिद्धार्थनगर नगर पालिका वडा नम्बर ९ वडा कार्यालयको आयोजनामा
शुक्रबार देखि प्रथम वडा कप सुरु भएको छ ।
शुक्रबार भएको उदघाटन खेलमा उदयपुर ८ विकेटले विजयी भएको छ । टस हरेर ब्याटिङ
गरेको प्रभातपथ टीमले निर्धारित १२ ओभरको खेलमा ६ विकेट गुमाउदै ७९ रन बनाएको थियो
। उसका लागि संगम पाण्डेले सर्वाधिक ३७ रन बनाए । यस्तै विवेक श्रेष्ठले ९ रन र
युवराज बरालले ६ रन बनाए । बलिङ तर्फ उदयपुरको सुनिल जयसवालले ३ विकेट लिए भने
सन्जय कुर्मीले २ र दिपक यादवले १ विकेट लिए ।
प्रतिउत्तरमा ८० रनको लक्ष्य उदयपुरले सहजै भेट्टायो । पाचौ ओभरमै लक्ष्य
भेट्टाएको उदयपुरका लागि ओपनर ब्याटर रहमान अलिले अविजित ४५ रन बनाए । सो क्रममा
उनले १८ बल खेल्दै ७ चौका र २ छक्का प्रहार गरेका थिए । यस्तै साहिद अलिले २१ रन
बनाए ।
खेलमा ४५ रन बनाएका रहमान अलि मेन अफ द म्याच घोषित भए ।
यस अघि भएको उदघाटन कार्यक्रममा बोल्दै सिद्धार्थनगर नगर पालिकाका प्रमुख
इस्तियाक अहमद खानले नगर पालिकाले अन्य विकास संगै खेलकुद विकासलाइ पनि प्राथमिकता
दिएको बताए । युवाहरुलाइ कुलतबाट जोगाउन र नगरमा क्रीकेट खेलाडी उत्पादन गर्ने
उद्देश्य सहित वडाकप आयोजना गरिएको बताए । फरक प्रसङ्गमा बोल्दै उनले नगरको
बिकासमा सबै नगरवासी एकजुट हुन उनले अपिल गरे । भैरहवालाइ हरित नगर बनाउन
नगरपालिकाको प्रयासलाइ नागरिकको सहयोग आवाश्यक रहेको उनले बताए ।
वडा नम्बर ९ का वडा अध्यक्ष शेषकान्त भण्डारीको अध्यक्षतामा सम्पन्न उदघाटन
कार्यक्रममा वडा नम्बर १ का वडा अध्यक्ष उज्वल पोखरेल, २ का छेदीलाल श्रीवास्तव, ३ का नारायण उपाध्याय, ७ का दामोदर शर्मा घिमिरे, समाजसेवी महेन्द्र नारायण श्रेष्ठ, वडा नम्बर ९ का वडा सदस्यहरु युवराज बराल, सविता हरिजन, बसन्त भट्टराइ, बसुन्धरा शर्मा लगायतले बोलेका थिए । कार्यक्रमको सन्चालन स्थानिय विजय
पाण्डेले गरेका थिए ।
