परासी । पश्चिम नवलपरासी प्रहरीले भन्सार छली ल्याएको ४० बोरा चिनी बरामद गरेको छ । प्रहरी चौकी गुठीप्रसौनीबाट खटिएको प्रहरी टोलीले बुधवार प्रतापपुर ६ गुठीप्रसौनीबाट अवैध चिनी नियन्त्रणमा लिएको हो ।
भारतबाट चोरी पैठारी गरी अवैध रूपमा ल्याई सडक छेउमा राखेको अवस्थामा १ लाख ६० हजार मूल्यबराबरको ४० बोरा चिनी बरामद गरेको हो । बरामद गरिएको चिनी महेशपुर भन्सार कार्यालय पठाइएको जिल्ला प्रहरी कार्यालय नवलपरासीका सुुचना अधिकारी डिएसपी रेशम बोहराले बताए ।
