परासी । पश्चिम नवलपरासीको रामग्राम नगरपालिका हकुईमा स्वास्थ्य चौकी भवन निर्माण गरिएको छ । निर्माण सम्पन्न भएसँगै नवनिर्मित भवनको उद्घाटन गरिएको छ । रामग्राम नगरपालिका–१६ हकुईस्थित हकुई स्वास्थ्य चौकी भवनको एक कार्यक्रमका बीच उद्घाटन गरिएको हो । रामग्रामका मेयर धनपत यादवले नवनिर्मित भवनको उद्घाटन गर्नुभयो ।
भवन उद्घाटन गर्दै मेयर यादवले ग्रामीण वासीलाई प्रभावकारी रूपमा स्वास्थ्य सेवा प्रदान गर्न निर्देशन दिनुभयो । उहाँले स्वास्थ्य सेवा मानवको महत्त्वपूर्ण हिस्सा भएका कारण यसको सेवा प्रदानमा कुनै पनि कसर बाँकी नराख्न कर्मचारीहरूलाई आग्रह गर्नुभयो । शहरी बिकास मन्त्रालयको करीब एक करोडको लागतमा दुई तल्ले भवनको निर्माणसँगै सर्वसाधारणलाई उपचार सेवा प्रभावकारी हुने लक्ष्य रहेको विदुर रामग्रामले जनाएको छ ।
