मुगु । ‘स्वास्थ्यका लागि खेलकुद, राष्ट्रका लागि खेलकुद’भन्ने मुल नारा भएपनि जिल्लाको सदर मुकाममा खेलमैदान,रङ्खशाला, टुडीखेल, सार्वजनिक मञ्च नहुँदा मुगुका खेलाडीहरु समस्यामा परेका छन् । जिल्लामा अहिलेसम्म एउटा पनि खेल मैदान बन्न सकेको छैन । खेल मैदान ,रङ्खशाला, टुडिखेल, सार्वजनिक मञ्च नहुँदा खेलाडीलाई निकै समस्या हुने गरेको छ ।
खेल मैदान अभावमा खेलकुद गतिबिधि प्रायः शुन्य हुने गरेको छ । त्यसबाहेक अन्य गतिविधि गर्न पनि कुनैपनि सार्वजनिक खुल्ला स्थान नहुँदा गमगढी बजारको सडक, खेतबारी, बनजङ्खल र सरकारी कार्यालयका मैदान प्रयोग हुने गरेको छ । खेलमैदान अर्थात कवर्डहललगाएतका भौतिक संरचना नहुँदा खेलाडीहरु सरकारी कार्यालयका खुल्ला मैदान, खेतबारी, बनजङ्खलमा खेल खेल्न बाध्य छन् ।
दलका नेता जनप्रतिनिधीहरुले खेलमैदानको लागि चुनावी घोषण पत्रमै सिमित हुने गरेको छ । खेलाडीहरुबाट खेलमैदान लगायत संरचना निर्माण गरिदिने बाचा गरेर मत लिने बिजय भएर गइसकेपछि खेल क्षेत्रलाई विर्सिने गरिएको खेलाडी लोकेन्द्र बहादुर मल्लको गुनासो । जिल्लामा भलिबल, फुटबल, ब्याटमिटन, कराँतेलगायतका खोलाडी धेरै रहेपनि मैदानको अभाव व्यहोरिरहेको कर्णजङ्ख शाहीले बताए ।
सामाजिक बिकास कार्यालय मुगुमा कर्णाली प्रदेश सरकारबाट खेल गतिबिधिको लागि बजेट नपठाएको, बर्षौदेखि कुरा गरेपनि यसबर्ष एक करोड रुपैंयाँ कबर्ड हल निर्माणका लागि रकम प्राप्त भएको बताइन्छ । आगामी आर्थिक बर्ष सदरमुकाम आसपास उपयुक्त ठाँउ हेरेर सरोकारवालाहरुसंग सहकार्य गरेर खेल मैदान निर्माण थालिने सामाजिक विकास कार्यालयका प्रमुख टोप बहादुर बुढाले बताए ।
जिल्लाबाट मात्र राष्ट्रिय स्तरका प्रतियोगिता खेल्न विभिन्न २७ जना खेलाडी सहभागी भएका छन्, प्रदेश स्तरमा पनि ५० भन्दा बढी खेलाडीहरु पुगिसकेका छन् । तर बजेट अभावका कारण काम गर्न नसककीएको जिल्ला खेलकुद बिकास समितिका अध्यक्ष बिरेन्द्र बहादुर मल्लले बताए ।
