भैरहवा । सशस्त्र प्रहरी बल ,नेपाल प्रस्तावित सीमा सुरक्षा गुल्म डण्डा रुपन्देहीले करिब १६ लाख मूल्य बराबरको अवैध लत्ता कपडा बरामद गरेको छ । विशेष सूचनाको आधारमा गुल्मबाट सशस्त्र प्रहरी उपरीक्षक (डिएसपी) प्रदिप कुमार बस्नेतको कमाण्डमा खटिएको १० जनाको मोबाईल गस्ती टोलीले उक्त सामान बरामद गरेको हो ।
रुपन्देहीको मायादेवी गाउँपालिका-५ स्थित पकडी ईलाकामा अवैध रुपमा भारतबाट नेपाल ल्याई ईट्टाभट्टा मा लुकाईछिपाई बेवारिसे अवस्थामा राखिएको ६ बन्डल लत्ताकपडा बरामद गरिएको सशस्त्र प्रहरीले जनाएको छ ।सशस्त्र प्रहरीका अनुसार १५ लाख ९१ हजार ३ सय रुपैयाँ कायम मूल्यमा उक्त लत्ताकपडा भैरहवा भन्सार कार्यालय, बेलहियामा दाखिला गरिएको छ ।
