धकधई । अन्तर्राष्ट्रिय युवा दिवसका अवसरमा राष्ट्रिय स्वतन्त्र पार्टी (रास्वपा) रोहिणी गाउँ समितिको आयोजनामा आज धकधई बजारमा वृहत सरसफाइ तथा ट्राफिक जनचेतना कार्यक्रम सम्पन्न भएको छ। रोहिणी गाउँ समिति सभापति कृष्णचन्द्र मिश्राको अध्यक्षता तथा रास्वपा प्रदेश समिति सदस्य सञ्जयकुमार गुप्ताको प्रमुख आतिथ्यमा सो कार्यक्रम सम्पन्न भएको हो। बजार क्षेत्रलाई स्वच्छ राख्न र सवारी दुर्घटना न्यूनीकरणका लागि चालक तथा पैदलयात्रीलाई ट्राफिक नियमबारे सचेत गराउने उद्देश्यले कार्यक्रम सञ्चालन गरिएको आयोजकले जनाएको छ।
कार्यक्रममा पार्टीका नेताहरू धनेश्वरी चौधरी, वडा सभापति प्रेम धोबी, अनिल यादव, सुधारकर यादव, बृजेश जैसवाल, कृष्ण खत्री, मोहम्मद नाबाब अली, दिनेश यादव, रवीन्द्र श्रेष्ठ, किस्मतली फकिर, नयन खान, असलम गद्दी, युवा नेताहरू मनोज यादव, सन्तोषी चौधरी, दिलीप पासवान लगायतका स्थानीय अगुवा तथा कार्यकर्ताहरूको उपस्थिति रहेको थियो।
