काठमाडौं। यस वर्षको बडादशैँको टीका र जमरा लगाउने आज अन्तिम दिन हो। नेपाल पञ्चाङ्ग निर्णायक विकास समितिका अनुसार आश्विन शुक्ल पक्ष चतुर्दशी र पूर्णिमा पनि आजै परेकाले मान्यजनबाट आशीर्वाद स्वरुप नवदुर्गाको प्रसादका रुपमा यस वर्षको बडादशैँको टीका र जमरा लगाउने आज अन्तिम दिन हो ।
सूर्योदय कालमा चतुर्दशी र मध्यरातमा पूर्णिमा तिथि परेकाले कोजाग्रत पूर्णिमा आजै परेको समितिले जनाएको छ । कोजाग्रत पूर्णिमाका दिन राति जाग्रामबसी महालक्ष्मीको पूजा आराधना गरिन्छ । कात्तिक १ गते देखि बडादशैँ समापन हुन्छ ।
आश्विन शुक्ल प्रतिपदा देखि नवमी सम्म नवदुर्गाको साधना गरिएको प्रसाद स्वरुप विजया दशमीका दिन देखि सुरु भएको टीका र जमरा लगाउन सुरु भएको थियो ।
