भैरहवा । रुपन्देहीको ओमसतिया गाउँपालिकाले भुकम्पप्रभावित क्षेत्रमा ३ लाख रुपैयाँ बराबरको राहत सामग्री पठाउने भएको छ ।
आइतबार बसेको आकस्मिक कार्यपालिकाको बैठकले विपद् व्यवस्थापन कोषबाट ३ लाख रुपैयाँ बराबरको राहत सामग्री पठाउने निर्णय गरेको गाउँपालिका उपाध्यक्ष सुनिता चौधरीले बताइन् ।
गत शुक्रबार राति ११ :४७ बजे जाजरकोट जिल्लाको रामीडाँडा केन्द्रविन्दु भएर गएको ६.४ म्याग्निच्युडको भूकम्पका कारण जाजरकोट र रुकुम (पश्चिम) मा जनधनको क्षति भएको छ ।
