नेपालगञ्ज । जिल्ला प्रहरी कार्यालय, बाँकेले नेपालगञ्जबाट कटुवा पेस्तोल र त्यसमा लाग्ने गोलीसहित दुई जना युवकलाई पक्राउ गरेको छ । पक्राउ पर्नेमा नेपालगञ्ज उपमहानगरपालिका वडा नं. ९ का १९ वर्षीय समिर ढपाली र सोही स्थानका १९ वर्षीय राजन सोनखर रहेका छन् ।
प्रहरीका अनुसार, नेपालगञ्ज उपमहानगरपालिका वडा नं. ४ स्थित बसपार्कको कम्दी जाने सडक खण्डमा शंकास्पद अवस्थामा हिँडिरहेका उनीहरुलाई प्रहरी टोलीले खानतलासी गरेको थियो । खानतलासी का क्रममा उनीहरुको साथबाट एक थान कटुवा पेस्तोल र त्यसमा प्रयोग हुने गोली बरामद भएको हो ।
जिल्ला प्रहरी कार्यालय बाँकेका सूचना अधिकारी तथा प्रवक्ता, प्रहरी नायव उपरीक्षक दिपक पातलीले दुवै जनालाई नियन्त्रणमा लिई आवश्यक अनुसन्धान कार्य अगाडि बढाइएको जानकारी दिनुभयो । प्रहरीले बरामद गरिएका हतियार र गोलीसहित पक्राउ परेका युवाहरुमाथि थप अनुसन्धान भइरहेको जनाएको छ ।
