मर्चवार । रूपन्देहीको कोटहीमाई गाउँपालिका–५ की ४२ वर्षीया जुबेदा खातुनको हत्यामा संलग्न रहेको आरोपमा प्रहरीले चार जनालाई पक्राउ गरेको छ। गत कात्तिक १२ गते बिहीबार कोटहीमाई गाउँपालिका–७ स्थित धानखेतमा खातुनको शव फेला परेको थियो । घटनापछि प्रहरीले थालेको अनुसन्धानका क्रममा सोमबार उनीहरूलाई पक्राउ गरिएको जिल्ला प्रहरी कार्यालय रूपन्देहीका प्रहरी निरीक्षक चन्द्रकिशोर साहले जानकारी दिनुभएको छ।
पक्राउ परेकाहरूको नाम तत्काल सार्वजनिक गर्न नमिल्ने भएकाले मंगलबार पत्रकार सम्मेलनमार्फत सार्वजनिक गरिनेछ। प्रहरी निरीक्षक साहका अनुसार पक्राउ परेकाहरूले हत्यामा आफ्नो संलग्नता स्वीकार गरिसकेका छन्। मृतक खातुनको शरीरबाट लुटिएका गहनाको खरिद–बिक्री तथा घटनासँग सम्बन्धित अन्य विभिन्न पक्षमा अहिले थप अनुसन्धान भइरहेको छ।
