भैरहवा ।सरकारले तोकेको पारिश्रमिक पाउनुपर्ने लगायत विभिन्न माग राख्दै आन्दोलनमा उत्रिएका नर्स तथा प्यारामेडिक्सहरूको आन्दोलनप्रति भैरहवास्थित भीम अस्पतालका स्वास्थ्यकर्मीहरूले ऐक्यवद्धता जनाएका छन्। नेपाल सि.एम.ए. संघका केन्द्रीय उपाध्यक्ष गोपाल उपाध्यायका अनुसार, भीम अस्पतालमा कार्यरत स्वास्थ्यकर्मीहरूले आन्दोलनरत स्वास्थ्यकर्मीको पक्षमा प्लेकार्डसहित अस्पताल अगाडि प्रदर्शन गरेका हुन्।
आन्दोलनरत नर्स तथा स्वास्थ्यकर्मीहरूको मागलाई न्यायसंगत ठहर गर्दै उनीहरूले ती मागहरू तत्काल सम्बोधन गर्न सरकारसँग आग्रह समेत गरेको उपाध्यायले जानकारी दिनुभयो। प्रदर्शनमा सहभागी स्वास्थ्यकर्मीहरूले सरकारले तोकेको न्यूनतम पारिश्रमिकसहित अन्य सेवा सुविधा सुनिश्चित हुनुपर्नेमा जोड दिएका थिए ।
