भैरहवा । जिल्ला प्रशासन कार्यालय, रुपन्देहीले बिहीबार बिहान ७ बजेदेखि ९ बजेसम्मका लागि कर्फ्यु खुला गरेको छ । प्रमुख जिल्ला अधिकारी डा. टोकराज पाण्डेले एक सूचना जारी गर्दै आम नागरिकलाई आवश्यक काम चलाउनका लागि दुई घण्टा कर्फ्यु खुकुलो पारिएको जानकारी दिएका हुन्।
यद्यपि, बिहान ९ बजेपछि भने कर्फ्यु पुनः यथावत् रहनेछ । जिल्लामा हुन सक्ने सम्भावित प्रदर्शन, जुलुस र झडपलाई मध्यनजर गर्दै जिल्ला सुरक्षा समितिको निर्णयअनुसार स्थानीय प्रशासन ऐन, २०२८ को दफा ६ 'क' बमोजिम यो आदेश बिहीबार बेलुका ७ बजेसम्म लागू हुनेछ।
