भैरहवा । प्रहरीले जबरजस्ती करणी मुद्दाको एक फरार प्रतिवादीलाई पक्राउ गरेको छ । पक्राउ पर्नेमा रोहिणी गाउँपालिका–६ का मोइल भन्ने मुवारक मिर मुसलमान रहेको जिल्ला प्रहरी कार्यालय रुपन्देहीका डिएसपी लक्ष्मी खनालले बताईन् । सर्वोच्च अदालतले उक्त मुद्दामा मुसलमानलाई दोषी ठहर गर्दै ०६६ फागुन ११ गते दश वर्ष कैद सजाय फैसला गरेको थियो ।
त्यसयता फरार रहेका मुसलमानलाई पिपरहवा प्रहरी चौकीबाट खटिएका प्रहरी टोलीले पक्राउ गरेको डिएसपी खनालले बताईन । कैद भुक्तानका लागि उनलाई जिल्ला अदालतमा पेश गरिएको प्रहरीले जनाएको छ ।
