रूकुम । पश्चिम नेपालमा बुधबार राति ४.६ रेक्टर स्केलको भूकम्प गएको छ । राष्ट्रिय भूकम्प मापन केन्द्रका अनुसार, रूकुम पूर्व र बाग्लुङको सीमानामा केन्द्रबिन्दु बनाएर गएको यस भूकम्पको धक्का पश्चिम नेपालका विभिन्न जिल्लाहरूमा महसुस गरिएको थियो ।
हालसम्म भूकम्पका कारण कुनै मानवीय वा भौतिक क्षतिको विवरण प्राप्त भएको छैन । भूकम्पविद्हरूले सधैं भूकम्पबाट सुरक्षित रहन पूर्वतयारी अपनाउन र सचेत रहन आग्रह गर्दै आएका छन् । थप विवरण आउन बाँकी छ।
