भैरहवा । सशस्त्र प्रहरी बलले रुपन्देहीको रोहिणी गाउँपालिकाबाट भारतबाट अवैध रूपमा भन्सार छली ल्याउँदै गरेको मोटर पार्टस र ढुवानीमा प्रयोग भएको गाडीसहित एक जनालाई नियन्त्रणमा लिएको छ। सशस्त्र प्रहरी बल, नेपाल सीमा सुरक्षा गुल्म हे.क्वा. डण्डा रुपन्देहीका सशस्त्र प्रहरी नायव उपरीक्षक गोपी कृष्ण भट्टराईको कमाण्डमा खटिएको टोलीले रोहिणी गाउँपालिका–३ धकधई बाट चेकजाँच गर्ने क्रममा उक्त अवैध सामान बरामद गरेको हो।
प्रहरीले भन्सार छली ल्याइएको अन्दाजी रु. एक लाख ४३ हजार बराबरको मोटर पार्टस र ढुवानीमा प्रयोग गरिएको रु. २५ लाख मूल्य बराबरको बागमती प्रदेश–०१–०३२ च ४२१३ नम्बरको गाडी गरी कुल रु. २६ लाख ४३ हजार बराबरको सामान नियन्त्रणमा लिएको छ। गाडीसँगै त्यसका चालक कैलाली लम्कीफाँटा बस्ने २२ वर्षीय प्रितम चौधरीलाई समेत पक्राउ गरी बरामद सामान र गाडीसहित आवश्यक कारबाहीका लागि भन्सार कार्यालय बुझाउने प्रक्रिया अगाडि बढाइएको सशस्त्र प्रहरीले जनाएको छ।
