भैरहवा । लुम्बिनीको पडरियामा जारी ईण्डो–नेपाल क्रिकेट प्रतियोगिता अन्र्तगत मंगलबार सम्पन्न खेलमा ओजस र चन्द्रदीप क्रिकेट क्लब विजयी भएका छन् ।
पडरिया खेल मैदानमा भएको खेलमा टस हारेर ब्याटिङको निम्तो पाएको मर्चवार स्टारले निर्धारित १५ ओभर खेल्न सकेन् । १२ दशमलव ३ ओभरमा आफ्ना सबै विकेट गुमाउदै मर्चवार १०९ रनमा समेटिएको थियो । उसका लागि दुर्गेश यादवले सर्वाधिक ३० रन बनाउदा परवेज खानले १९ र बिरेन्द्र सहानी तथा फैसल खाँनले समान १४ रनको योगदान गरे । बलिङमा ओजसका दिपेन्द्र र सद्दामले समान ३÷३ विकेट तथा मनोजले २ विकेट लिए ।
११० रनको सहज लक्ष्य ओजसले ९ दशमलव ४ ओभरमा मात्र २ विकेटको क्षतिमा हासिल ग¥यो । ओजसका लागि सुरजले अविजित अर्धशतकिय पारी खेले उनले मात्र ३० बलमा ६ छक्का र ४ चौका प्रहार गर्दै ५० रन बनाए । यस्तै दिपेन्द्रले २७ रन मनोजले १८ रनको ब्यक्तिगत योगदान दिए । बलिङ्गमा मर्चवारका जनार्दन यादव र ईरसाद खाँनले समान १÷१ विकेट लिए ।
मंगलबार नै सम्पन्न भएको दोश्रो खेलमा चन्द्रदीपले खलिलाबादलाई ५९ रनले पराजित गरेको छ । टस जितेर ब्याटिङ रोजेको चन्द्रदीपले निर्धारित १५ ओभर पुरा खेल्दै ५ विकेटको क्षतिमा १९७ रनको बिशाल योगफल तयार गरेको थियो । चन्द्रदीपका ब्याटर मोहसिन खाँनले बिष्फोटक ब्याटिङ गरे । उनले मात्र ३८ बलको सामना गर्दै ११ छक्का र ३ चौकाको सहयोगमा ९० रन बनाए । यस्तै अर्का ब्याटर जावेदले पनि मोहसिनलाई साथ दिदै ७२ रन बनाए । ३९ बलको सामना गर्दै जावेदले ४ छक्का र ९ चौका प्रहार गरे । सोही टोलीका अर्का ब्याटर अहमदले २५ रन बनाए । बलिङमा खलिलाबादका हनुमान एक्लैले ४ विकेट लिए ।
१९८ को लक्ष्य लिई मैदान प्रवेश गरेको खलिलाबादको टोली ११ दशमलव ५ ओभरमा आफ्ना सबै विकेट गुमाई १३८ रनमै समेटिएको थियो । उसका लागि ललित र करनले समान ३३÷३३ रन तथा अंकितले ३२ रनको योगदान गरे ।
बलिङमा चन्द्रदीपका तस्लिम ४ विकेट, मनोहर र मुनिजरले समान २÷२ विकेट लिए । ९० रन प्रहार गरेका चन्द्रदीपका मोहसिन खाँन सो खेलको म्यान अफ द म्याच घोषित भए ।
