भैरहवा । नेपाल भ्रमणमा आएका भारतीय पर्यटक सवार यात्रुवाहक बस मर्स्याङ्दी नदीमा खसेर दुर्घटना भएपछि नेपाल स्थित भारतीय दूतावासले आपतकालिन सहायता लागि सम्पर्क नम्बर जारी गरेको छ ।
दूतावासले शुक्रवार सामाजिक संजाल फेसबुकमा घटनाबारे जानकारी गराउँदै राहत र उद्धार लागि समन्वय भईरहेको जनाएको छ । साथै, घटनासँग सम्बन्धित सरोकारवालाहरुले दूतावासको आपतकालीन सहायता(राहत) सम्पर्क नम्बर +९७७-९८५११०७०२१ मा सम्पर्क गर्ने सकिने जनाएको छ ।
शुक्रवार पोखराबाट काठमाडौंतर्फ जादैँ गरेको यूपी ५३ एफटी ७६२३ नम्बरको बस तनहुँको आँबुखैरेनीस्थित ऐना पहारा नजिक नदीमा खस्दा मृतकको संख्या २७ पुगेको छ । घाईतेहरुको विभिन्न अस्पताल उपचार भईरहेको प्रहरीले जनाएको छ । दुर्घटनामा परेका सबै यात्रु भारतको महाराष्ट्र प्रदेशको भुसावलको धरनगाउँका रहेको बताईएको छ ।
