सप्तरी । सप्तरी प्रहरीले ६७० किलो लागुऔषध गाँजा लुकाएर राखेको अवस्थामा बरामद गरेको छ ।लागुऔषध गाँजा लुकाइ छिपाई राखेको सूचनाको आधारमा प्रहरी चौकी मौवाहाबाट खटिएको टोलीले बरामद गरेको हो ।
बलान बिहुल गाउँपालिका वडा नम्बर १ बलान पट्टिस्थित पूर्वपश्चिम हुलाकी राजमार्ग देखी अन्दाजी १५० मिटर उत्तरतर्फ परालले छोपिएको आवस्थामा बरामद गरिएको जिल्ला प्रहरी कार्यलय सप्तरीका सूचना आधिकारी प्रहरी नायब उपरीक्षक जितेन्द्र कुमार बस्नेतले बताए ।
उनका अनुसार प्रहरी चौकि मौवाहाका प्रहरी सहायक निरीक्षक हेमन्त तामाङको नेतृत्वमा गएको टोलीले बरामद गरेको हो । खेतबाट ल्याएको परालको थुप्रोमा लुकाएर राखेको अवस्थामा बरामद गरिएको भएपनि कोहि पनि पक्राउ नपरेको जिल्ला प्रहरी कार्यलय सप्तरीले जनाएको छ ।लागु औषध गाँजा बरामद गरि आवश्यक कानूनी प्रकृया अघि बढाइएको सप्तरी प्रहरीले जानकारी दिएको छ ।
