भैरहवा । श्री भानु माध्यमिक विद्यालय भैरहवामा २०५६ सालमा एसएलसी दिएका विद्यार्थीहरुको पुनर्मिलन तथा बनभोज कार्यक्रम सम्पन्न भएको छ ।
२५ वर्षपछिको पुनर्मिलनलाई विद्यार्थीहरुले सदुपयोग गर्ने जनाएका छन । पूर्व विद्यार्थीहरुको हकहितको साथै विद्यालयको विकासको लागि सहकार्य गर्ने उनिहरुले प्रतिवद्दता जनाएका छन । विद्यार्थी हरि पाण्डे र सांजोगराज तिवारीको समन्वयमा भएको पुनर्मिलन तथा बनभोज कार्यक्रममा बोल्दै उनिहरुले विद्यालयलाई आवश्यक परेको अवस्थामा सहकार्य गर्न तयार रहेको बताए ।
“भानु माध्यमिक विद्यालयमा अध्ययन गरेका हामीहरु अहिले विभिन्न ठाउमा रहेका छौ, यस्तो अवस्थामा विद्यालयको शैक्षिक अवस्था उकास्न हाम्रो पनि दायित्व हुन्छ ।” विद्यार्थी हरि पाण्डेले भने “ यसैको लागि सामाजिक सन्जाल फेसबुकको सहयोगमा हामीहरु एकजुट भएका हौ ।”
