भैरहवा । नेपाली काँग्रेसको १५औँ महाधिवेशनअन्तर्गत रुपन्देहीको रोहिणी गाउँपालिकाको सभापतिमा अकबाल खान निर्वाचित हुनुभएको छ। अधिवेशनबाट गाउँपालिकाको उपसभापति पदमा नैमुल्राह धोबी र मीरा कुर्मी निर्वाचित हुनुभएको छ। यस्तै, सहसचिव पदमा बृहस्पति रांगा बनिया चयन हुनुभएको छ।
अधिवेशन अन्तर्गत सचिव पदको नतिजा भने अझै टुंगो लाग्न सकेको छैन। सचिव पदका प्रत्याशीद्वय शिवम मणि त्रिपाठी र सुरेन्द्र यादवको बराबर मत आएपछि परिणाम अनिर्णित बनेको हो। बराबर मत आएका कारण सचिव पदको टुंगो कसरी लगाउने भन्ने विषयमा छलफल भइरहेको जनाइएको छ।
