सर्लाही । सर्लाही निर्वाचन क्षेत्र नम्बर २ मा राष्ट्रिय स्वतन्त्र पार्टी (रास्वपा) का उम्मेदवार रविन महतो फराकिलो मतान्तरसहित निर्वाचित भएका छन्। उनले ४२ हजार ५१२ मत प्राप्त गर्दै शानदार जित हात पारेका हुन् । उनका निकटतम प्रतिद्वन्द्वी नेपाल कम्युनिस्ट पार्टी (नेकपा) का महिन्द्र राय यादवले ८ हजार ५२३ मत मात्र प्राप्त गरी दोस्रो स्थानमा सीमित भए।
त्यसैगरी, प्रतिस्पर्धामा रहेका नेपाली कांग्रेसका उम्मेदवार सरोज कुमारले ७ हजार ३९ मत ल्याएर तेस्रो स्थान हासिल गर्दा राष्ट्रिय मुक्ति पार्टीका राजेन्द्र महतो ५ हजार ९९२ मत प्राप्त गर्दै चौथो स्थानमा रहेका छन्। अन्य चर्चित नेताहरूलाई भारी मतले पछि पार्दै महतोले सर्लाही-२ मा आफ्नो जित सुनिश्चित गरेका हुन्।
