दाङ । लुम्विनी प्रदेशका सभामुख तुलाराम घर्ती मगरले राजनीतिक परिवर्तनको लागी भएका विभिन्न चरणका क्रान्ति, संघर्ष, आन्दोलन र महान् जनयुद्धमा मुस्लिम समुदायले खेलेको भूमिका अविस्मरणीय रहेको जनाउनु भएको छ ।
इस्लाम धर्मावलम्बीहरुको महान पर्व बकराईद (उल–अजाह) कुर्वानी पर्वको अवसरमा शुभकामना सन्देश जारी गर्दै उहांले यस्तो जनाउनु भएको हो ।
“राजनीतिक परिवर्तन, विभिन्न चरणका क्रान्ति, संघर्ष, आन्दोलन र महान् जनयुद्धमा मुस्लिम समुदायले खेलेको भूमिका अविस्मरणीय रहेको छ । सबै समुदायको भाषा, संस्कृति, लिपि, चाडपर्वको ऐतिहासिक तथा सांस्कृतिक पक्षको संवद्र्धन र प्रर्वद्धनमा समेत ध्यान दिन जरुरी रहेको छ । यो पर्वले मुस्लिम समुदायको भाषा, धर्म र संस्कृति संरक्षण र प्रवद्र्धनमा टेवा पु¥याउने विश्वास सहित बकराईद (उल–अजाह) पर्वको अवसरमा शुभकामना व्यक्त गर्दछु ।” सभामुख घर्ती मगरले जारी गर्नु भएको शुभकामना सन्देशमा उल्लेख छ ।
नेपाल बहुभाषीक, बहुधार्मिक र बहुसाँस्कृतीक विविधताले भरिपूर्ण मुलुक भएको र विविधतामा एकता हाम्रो पहिचान भएको उल्लेख गर्नुहुदै हाम्रा धार्मिक, साँस्कृतीक पर्वहरुले सबै समुदाय बीच एक आपसमा सदभाव भातृत्वको विकास गरी एकतावद्ध बनाउन महत्वपुर्ण भूमिका खेलेको सन्देशमा जनाउनु भएको छ ।
विगतमा राज्यद्धारा विभेदमा पारिएका उत्पीडित समुदायको उत्थान र हक अधिकार स्थापित गर्ने सन्दर्भमा लुम्बिनी प्रदेश सभा प्रतिवद्ध भई महत्वपूर्ण नीति र कानुन निर्माण गदै आएको र आवश्यकताको आधारमा यस प्रकारको नीति र ऐन कानुन निर्माण गर्ने प्रतिवद्धता समेत उहांले व्यक्त गर्नुभयो ।
सभाुमख घर्ती मगरले महान् जनयुद्ध तथा जनआन्दोलन क्रान्ति र संघर्षबाट मुलुकमा गणतन्त्र, धर्मनिरपेक्षता, समानुपातिक, समावेशीता, जस्ता महत्वपुर्ण राजनीतिक उपलब्धी प्राप्त भएको यसलाई संस्थागत विकास गर्दै समाजवादमा पुग्ने लक्ष्यमा दृढताका साथ लाग्नु आजको आवश्यकता रहेको शुभकामना सन्देशमा उल्लेख गर्नु भएको छ ।
