बुटवल । नेकपा (एमाले)का उपाध्यक्ष, पूर्व उपप्रधान तथा अर्थमन्त्री विष्णुप्रसाद पौडेलले मुलुकमा वर्तमान राजनीतिक समस्याको समाधान संविधानभित्रैबाट खोजिनुपर्नेमा जोड दिनुभएको छ । बुटवलमा आयोजित नेकपा एमाले रूपन्देहीको विस्तारित बैठकलाई सम्बोधन गर्दै उपाध्यक्ष पौडेलले प्रतिनिधि सभाको पुनःस्थापनामार्फत नै संविधानलाई सही मार्गमा ल्याउन सकिने एमालेको सकारात्मक दृष्टिकोण रहेको बताउनुभयो ।
उहाँले सामाजिक सञ्जाल हरेक मानिसका लागि जीवनको अभिन्न अंग बनिसकेको वास्तविकतालाई एमाले नेतृत्वको तत्कालीन सरकारले बुझ्न नसक्नु कमजोरी रहेको औंल्याउनुभयो। पौडेलले सामाजिक सञ्जालमाथिको प्रतिबन्ध हटाउने आन्दोलनमा घुसपैठ गरेर देशव्यापी आगजनी र आक्रमण भएको आरोप पनि लगाउनुभयो । नेता पौडेलले नेकपा एमालेको ११ औँं महाधिवेशनलाई एकताको महाधिवेशन बनाउने र पार्टीलाई नयाँ उचाइको एकतामा पुर्याउने प्रतिबद्धता व्यक्त गर्नुभयो।
