मर्चवार । मर्चवार प्रेस क्लब र लायन्स क्लब अफ भैरहवा लिगेसीको संयुक्त आयोजनामा कोटहीमाई गाउँपालिका–५ स्थित दुईमुहान पुल नजिक ५१ वटा फलफूल तथा विभिन्न प्रजातिका बिरुवा रोपिएको छ ।
मर्चवार प्रेस क्लबका अध्यक्ष हृदयराम गुप्ता र लायन्स क्लबका निवर्तमान अध्यक्ष राजन शुक्लको साउन १५ गते परेको जन्मदिनको अवसर पारेर स्थानीय प्रहरी र सशस्त्र प्रहरीको सहकार्यमा उक्त कार्यक्रम गरिएको हो । कार्यक्रममा लायन्स क्लबका अध्यक्ष नारायण प्रसाद कोइराला र वडाध्यक्ष संजयकुमार सैनीले रोपिएका बिरुवा जोगाउन स्थानीय समुदाय र वडा कार्यालयको तर्फबाट पूर्ण प्रतिबद्धता रहने बताउनुभयो।
