भैरहवा । राष्ट्रिय स्वतन्त्र पार्टी (रास्वपा) की प्रतिनिधि सभा सदस्य ज्ञानु पौड्यालले दुर्गमका नागरिकलाई आश्वासन मात्र नभई प्रत्यक्ष विकासको परिणाम चाहिएको बताउनुभएको छ। प्रतिनिधि सभाको बैठकमा बोल्दै सांसद पौड्यालले कालीकोट अस्पतालमा हाडजोर्नी तथा नशारोग विशेषज्ञ नहुँदा बिरामीहरू उपचारका लागि सुर्खेत र नेपालगञ्ज धाउन बाध्य भएको भन्दै तत्काल विशेषज्ञ सेवा उपलब्ध गराउन सरकारसँग माग गर्नुभयो।
यसैगरी, कालीकोटको खाँडाचक्र नगरपालिकामा करोडौँको लगानीमा निर्मित बसपार्क पाँच वर्षदेखि सञ्चालनमा नआउँदा राज्यको लगानी खेर गइरहेको र यात्रुहरू जोखिम मोत्न बाध्य भएको भन्दै उहाँले सो संरचना तत्काल सञ्चालनमा ल्याउन संसद्मार्फत सरकारको ध्यानाकर्षण गराउनुभयो।
