भैरहवा । राजस्व अनुसन्धान कार्यालय बुटवलले राजस्व छलीको कसुरमा भैरहवाको सुन्दर हार्डवेयर एण्ड प्लाइउडका संचालक जोगेन्द्र अग्रहरी तथा उक्त फर्मविरुद्ध उच्च अदालत तुलसीपुर बुटवल इजलासमा मुद्दा दायर गरेको छ।कार्यालय ले सिद्धार्थनगर नगरपालिका-८ स्थित अग्रहरीले संचालन गरेको पसल तथा गोदामको कारोबारबाट राजस्व चुहावट गरेको अनुसन्धानबाट ठहर गर्दै उच्च अदालतमा अभियोग पत्र दायर गरिएको राजस्व अनुसन्धान विभागले जनाएको छ ।
विभागले जारी गरेको विज्ञप्ति अनुसार मुद्दामा ५४ लाख ४१ हजार ४ रुपैयाँ बिगो कायम गरिएको र बिगोको शतप्रतिशत ५४ लाख ४१ हजार ४ रुपैयाँ जरिवाना गरी कुल एक करोड आठ लाख बयासी हजार नौ रुपैयाँ माग दाबी गरिएको छ। साथै, ऐन बमोजिम हदैसम्मको कैद सजाएको मागदावी समेत गरिएको छ।
हेर्नुहोस् विज्ञप्तिः
