मुख्य समाचार
अबैध सुनको कारोबार गर्ने मुख्य योजनाकार पक्राउ | जुनसुकै बेला प्राकृतिक विपद् आउन सक्छ सावधान अपनाउनुहोलाः गृहमन्त्री लेखक | सहकारीलाई व्यवसाय बनाएर दूरुपयोग गरियो : सभापति थापा | भारतले फोहोरमैला व्यवस्थापन र नदी प्रदूषण नियन्त्रणमा सहयोग गर्ने | भैरहवाबाट वीरगंज जाँदै गरेको बस दुर्घटना | मन्त्री आरजु राणा र भारतीय राजदूतबीचको भेटमा सीमा समस्याबारे चर्चा | पशुपतिमा एक महिनासम्म चल्ने कोटिहोम महायज्ञ शुरु | मन्थलीको सानीमदौलेमा ज्येष्ठ नागरिकलाई सम्मान | घुस लिएको आरोपममा दुई प्राविधिक अख्तियारको नियन्त्रणमा | ७५ प्रतिशत मात्र राजस्व संकलन, लक्ष्यमा पुग्न सकेन सरकार |
मुख्य समाचार
अबैध सुनको कारोबार गर्ने मुख्य योजनाकार पक्राउ | जुनसुकै बेला प्राकृतिक विपद् आउन सक्छ सावधान अपनाउनुहोलाः गृहमन्त्री लेखक | सहकारीलाई व्यवसाय बनाएर दूरुपयोग गरियो : सभापति थापा | भारतले फोहोरमैला व्यवस्थापन र नदी प्रदूषण नियन्त्रणमा सहयोग गर्ने | भैरहवाबाट वीरगंज जाँदै गरेको बस दुर्घटना | मन्त्री आरजु राणा र भारतीय राजदूतबीचको भेटमा सीमा समस्याबारे चर्चा | पशुपतिमा एक महिनासम्म चल्ने कोटिहोम महायज्ञ शुरु | मन्थलीको सानीमदौलेमा ज्येष्ठ नागरिकलाई सम्मान | घुस लिएको आरोपममा दुई प्राविधिक अख्तियारको नियन्त्रणमा | ७५ प्रतिशत मात्र राजस्व संकलन, लक्ष्यमा पुग्न सकेन सरकार |


अन्तर्राष्ट्रिय सहकारी दिवस मनाइँदै, नेपालका विभिन्न स्थानमा कार्यक्रम

Ujyalosandeshonline 3451+ समाचार ( )
२२ आषाढ २०८१, शनिबार

काठमाडौं । जुलाई महिनाको पहिलो शनिबार अर्थात् अन्तर्राष्ट्रिय सहकारी दिवस विश्वभर विविध कार्यक्रम गरी मनाइँदैछ । नेपालमा पनि विभिन्न कार्यक्रमहरु तय गरिएको छ । 

‘सहकारीले सबैका लागि समुन्नत भविष्य निर्माण गर्दछ’ नारासहित अन्तर्राष्ट्रिय सहकारी महासंघ (आईसीए)ले पनि विभिन्न कार्यक्रम तय गरिसकेको छ । 

नेपालमा पनि विविध कार्यक्रमको आयोजना गरी १०२ औं अन्तर्राष्ट्रिय सहकारी दिवस, ३० औं संयुक्त राष्ट्र संघ अन्तर्राष्ट्रिय सहकारी दिवस तथा ३१औं राष्ट्रिय सहकारी महासंघ दिवस मनाईदै छ ।

आईसीएको आह्वानमा विश्वभरका सहकारीहरुले सन् १९२३ देखि हरेक वर्ष जुलाई महिनाको पहिलो शनिबार यो दिवस मनाउने गरिन्छ । सन् १९९५ मा संयुक्त राष्ट्र संघ (यूएन)को महासभाले समुदायको सामाजिक, आर्थिक तथा सांस्कृतिक विकासमा सहकारीले पुर्याएको महत्वपूर्ण योगदानको कदर गर्दै यस दिनलाई संयुक्त राष्ट्र संघ अन्तर्राष्ट्रिय सहकारी दिवसको रुपमा समेत मनाउने घोषणा गरेको थियो ।

राष्ट्र संघले यस दिवसलाई औपचारिकरुपमा आत्मसात गरेपछि सन् १९९५ देखि आइसीए र यूएन अन्तर्गतको सहकारी प्रवद्र्धन र विकास सम्बन्धी समिति (कोप्याक)ले संयुक्तरुपमा अन्तर्राष्ट्रिय सहकारी दिवसको थिम तय गर्दै आएका छन् । दिवसले अन्तर्राष्ट्रिय सहकारी आन्दोलन र अन्य सरोकारवाला निकायहरु बीचको साझेदारीलाई सुदृढ र विस्तार गर्न सहयोग पुर्याउने आईसीएको विश्वास रहेको छ ।

यस वर्षको अन्तर्राष्ट्रिय सहकारी दिवसलाई विभिन्न विषय र प्रकृतिका सहकारीले सदस्य र समुदायको दिगो भविष्य निर्माण गर्न खेलेको भूमिका र सन् २०३० सम्ममा संयुक्त राष्ट्र संघको दिगो विकास लक्ष्यहरु (एसडीजी) कार्यान्वयन गर्ने प्रयासमा पु¥याएको योगदान देखाउने अवसरकोरुपमा सदुपयोग गर्न आईसीएले आग्रह गरेको छ ।

यसैगरी नेपालमा राष्ट्रिय सहकारी महासंघले अन्तर्राष्ट्रिय सहकारी दिवसका दिन आफ्नो स्थापना दिवस मनाउने गरेको छ । महासंघले हरेक वर्ष राष्ट्रिय सहकारी व्यक्तित्व सम्मान तथा उत्कृष्ट सहकारी पुरस्कार प्रदान गर्ने गरेको छ । शनिबार दिउसो राष्ट्रिय सहकारी महासंघले आफ्नो कार्यालय पुल्चोकमा विशेष कार्यक्रमको आयोजना गरेको छ ।


प्रतिक्रिया

ताजा समाचार

सबै







ट्रेन्डिङ

सबै