बर्दघाट । नवलपरासीको बर्दघाट नगरपालिका-४ स्थित खुर्साने खोलाको मोडमा सडक भासिँदा पूर्व-पश्चिम राजमार्ग पूर्ण रूपमा अवरुद्ध भएको छ। गएरातीदेखि परेको अविरल वर्षाका कारण आज बिहान करिब ५:३० बजे सडक भासिन पुगेको हो।
सडक भासिएपछि दुईतर्फी रूपमा सवारी आवागमन ठप्प भएको छ, जसका कारण सयौँ सवारी साधन र यात्रुहरू अलपत्र परेका छन्। घटनालगत्तै स्थानीय प्रहरी र सडक विभागको टोली घटनास्थलमा पुगेर अवरुद्ध सडक खुलाउने प्रयासमा जुटेको छ।
