बकैया । मकवानपुरको बकैया गाउँपालिकामा आयोजना भएको क्लब स्तरीय फुटबल प्रतियोगिताको उपाधी बकैया खेलकुद विकास समितिले जितेको छ । वडानम्बर–५ स्थित कर्माचुलीमा भएको फाइनल खेलमा आयोजक जन एकता क्लबलाई १–० गोलले हराउँदै बकैयाले उपाधी जितेको हो ।
बकैयाको जितमा विपन श्रेष्ठले खेलको ६५ औं मिनेटमा निर्णायक गोल गरे । उनले फृकिक मार्फत उत्कृष्ट गोल गरेका हुन् । खेलको म्यानअफ द म्याच श्रेष्ठ घोषित भए । जितसँगै बकैयाले १ लाख ११ हजार १ सय रुपैयाँ सहित शिल्ड, मेडल तथा प्रमाणपत्र प्राप्त गरेको छ भने उपविजेता आयोजकले ५५ हजार ५ सय ५५ रुपैयाँमा चित्त बुझाएका छन् ।
प्रतियोगिताको सर्वोत्कृष्ट बकैयाका सुजन गुरुङ घोषित भए । उनले नगद ३ हजार रुपैयाँ प्राप्त गरे। मिड फिल्डर सुबराजगोले, सर्वाधिक गोलकर्ता अविशेक भोलन, गोलरक्षक जन एकताका सुजन बल र डिफेन्डर जन एकताकै सुशनवाईबा घोषित भए । अन्यविधागतउत्कृष्टले २–२ हजार रुपैयाँप्राप्त गरेका छन् ।
प्रतियोगितामा सर्लाहीको बागमतीयुवाक्लबलाई टाइब्रेकरमा ३–२ गोलले हराउँदै आयोजकफाइनलमाप्रवेश गरेको थियो भने शुक्रबार भएको पहिलो सेमिफाइनल खेलमा युग परिवर्तन बागमती गाउँपालिकालाई १–० गोलले हराउँदै बकैया फाइनलमा प्रवेश गरेको थियो ।
क्लबका अध्यक्ष कृष्ण घतानीको सभाध्यक्षता तथा बागमती प्रदेश सरकार कि सामाजिक विकास मन्त्री हरि प्रभा खड्कीको प्रमुख आतिथ्यता मा भएको प्रतियोगिताको समापन कार्यक्रममा बकैया गाउँपालिका अध्यक्ष धर्मराज लामिछाने, भिम फेदी गाउँपालिकाका अध्यक्ष हिदम लामा, बकैया–५ कि वडाध्यक्ष लक्ष्मी जिम्बा, ६ नम्बरका वडाध्यक्ष फिलमान भोम्जन, बकैया खेलकुद विकास समितिका संयोजक विजय लामाथिङ लगायतको आतिथ्यता रहेको थियो ।
