भैरहवा । प्राकृतिक विपद्का कारण ठूलो जनधनको क्षति भएकोप्रति दुःख व्यक्त गर्दै मोबाइल व्यवसायी संगठन रुपन्देहीले प्रधानमन्त्री दैवी प्रकोप उद्धार कोषमा १ लाख १ हजार रुपैया सहयोग गरेको छ। संगठनका अध्यक्ष हरि बहादुर पाण्डेले विपद्को यस घडीमा प्रभावित नेपाली नागरिक, विदेशी पर्यटक, कर्मचारी तथा सुरक्षाकर्मीका परिवारजनप्रति सहानुभूति व्यक्त गर्दै संयमित रहन आग्रह गरेको छन ।
संगठनले जारी गरेको सन्देशमा विपद्का कारण गुमेको जनधनको क्षतिपूर्ति गर्न नसकिने भए पनि प्रभावित तथा पीडित परिवारलाई राज्यले अभिभावकको भूमिका निर्वाह गर्दै तत्काल आवश्यक स्रोत–साधन परिचालन गर्नुपर्नेमा जोड दिइएको छ।प्रभावित क्षेत्रमा निष्पक्ष र प्रभावकारी रूपमा राहत तथा उद्धार कार्य सञ्चालन गर्न सरकारसँग आग्रह गर्दै संगठनले विपद्मा परेका नेपाली जनतालाई आवश्यक सहयोग उपलब्ध गराउन सबै पक्षलाई आ–आफ्नो क्षेत्रबाट योगदान गर्न अपिल गरेको छ।
