भैरहवा । सिद्धार्थनगर नगर पालिका ९ नम्बर वडा कार्यालयले वडामा रहेका टोल सुधार समितिका पदाधिकारीहरुलाई उनिहरुको काम कर्तब्य तथा अधिकारहरु बारे अभिमुखीकरण प्रदान गरेको छ ।
शनिबार उद्योग व्यपार संगठनको सभाहलमा आयोजित कार्यक्रममा वडा अन्र्तगतका ७ वटा टोल सुधार समिति, आमा समूह तथा राजनैतिक दलका प्रतिनिधिहरुको सहभागीता रहेको थियो । कार्यक्रममा बोल्ने वक्ताहरुले टोल सुधार समिति वडा कार्यालयको सहयोगीको रुपमा रहेको र यसले पालिकाले प्रवाह गर्ने सूचना तथा सेवाहरुलाई नगरको घर घर सम्म पु¥याउन सहयनेग गरेको बताए । सिद्धार्थनगर नगर पालिकामै वडा नम्बर ९ टोल सुधार गठन र यिनीहरुको परिचालनको मामिलामा उत्कृष्ट रहेको बताउदै वक्ताहरुले यसले वडाको विभिन्न कामहरु सहज भएको विचार राखे ।
कार्यक्रममा बोल्दै वडा नम्बर ९ का वडा अध्यक्ष शेषकान्त भण्डारीले वडामा गठित टोल सुधार समितिहरुकै कारण बिभिन्न कार्यक्रमहरुमा आफुलाई गौरवान्दित हुने मौका मिल्ने गरेको बताए । उनले टोलमा सचेतना फैलाउने काममा समितिका पदाधिकारी तथा सदस्यहरु कुनै प्रकारको झर्को नमानी काम गर्नुपर्ने धारणा राखे । टोल सुधार समितिहरु वडाको विकासमा महत्वपूर्ण भूमिका खेलिरहेको हुदा यिनिहरुलाई मजबुत बनाउन वडा कार्यालय प्रतिवद्ध रहेको बताए ।
वडा अध्यक्ष भण्डारीको अध्यक्षतामा सम्पन्न कार्यक्रममा वडा सदस्यहरु बसन्त भट्टराई, बसुन्धरा शर्मा, युवराज बराल, सविता हरिजन लगायतले बोलेका थिए । वडा सचिव अब्दुर रसिद पठानको सञ्चालनमा सम्पन्न भएको अभिमुखीकरण कार्यक्रमलाई सिद्धार्थ नगर नगर पालिका अधिकृत कमलकान्त खनाल, पूर्व अधिकृत शेखरनाथ पन्थीले सहजीकरण गरेका थिए ।
