भैरहवा । भैरहवामा युयनवी क्यामेराको ‘पार्टनर मीट’ शनिबार भव्य रुपमा सम्पन्न भएको छ । इन्टरएक्टिव कम्प्युटर, भैरहवाको आयोजना तथा इगलटेक नेपालको सहयोगमा सोमबार उक्त कार्यक्रम सम्पन्न भएको हो ।
कार्यक्रममा युयनवी नेपालका बजार ब्यवस्थापक सार्थक अधिकारीले सहजकर्ताको भूमिका निर्वाह गर्दै युयनवीका नवीनतम प्रविधि, क्यामेराका विशेषता र बजार रणनीतिबारे प्रकाश पारेका थिए ।
इन्टरएक्टिव कम्प्युटर, भैरहवाका गिरिश त्रिपाठीका अनुसार उक्त पार्टनर मीटमा रूपन्देहीको भैरहवा, नवलपरासीको परासी, कपिलवस्तु लगायतका विभिन्न स्थानबाट ३० जनाभन्दा बढी व्यवसायी तथा प्रतिनिधिहरुको उत्साहजनक सहभागिता रहेको थियो । कार्यक्रममा सहभागीहरुबीच डिजिटल सुरक्षालगायत प्रविधिको क्षेत्रमा भइरहेका विकास र आगामी कार्यदिशाबारे समेत छलफल भएको बताइएको छ ।
