भैरहवा । मोबाइल व्यवसायी संगठन रुपन्देहीको तेस्रो साधारणसभा तथा दोस्रो अधिवेशन सम्पन्न भएको छ । भैरहवामा आयोजित अधिवेशनले हरिबहादुर पाण्डेको अध्यक्षतामा नयाँ कार्यसमिति निर्विरोध निर्वाचित गरेको हो ।
नवनिर्वाचित कार्यसमितिको उपाध्यक्षमा राजकुमार गुप्ता, महासचिवमा श्यामप्रकाश गुप्ता, कोषाध्यक्षमा दिनेश गुप्ता र सचिवमा दीपक पौडेल चयन हुनुभएको छ । यस्तै, सह–कोषाध्यक्षमा रमेश यादव र सह–सचिवमा पुरुषोत्तम केसरी रहनुभएको छ भने सदस्यहरूमा जसवन्त धवल, सत्यम कलवार, मोहम्मद रसिद मुसलमान, सुजन दंगाल, विजेता कुमार वर्मा र रमेश पाण्डे निर्वाचित हुनुभएको छ ।
अध्यक्षमा निर्वाचित भएपछि प्रतिक्रिया दिँदै पाण्डेले व्यवसायीहरूको हक–हित संरक्षणलाई आफ्नो प्रमुख प्राथमिकतामा राख्ने बताउनुभयो । उहाँले संगठनलाई पारदर्शी र सक्रिय बनाउँदै सरकारी निकायसँग समन्वय गरी नीतिगत सुधार, तालिम तथा व्यावसायिक मर्यादा अभिवृद्धिमा जोड दिने प्रतिबद्धता व्यक्त गर्नुभएको छ ।
