मुख्य समाचार
जम्बो टोली लिएर एमाले उपमहासचिव चीन भ्रमणमा जाँदै | सातौं एसिया अन्तर्राष्ट्रिय तेक्वान्दोमा नेपाललाई पाँच स्वर्णसहित सात पदक | बोरिङको माध्यमबाट रोपाइँ नगर्न रोहिणी गाउँपालिकाको आग्रह | मर्चवारमा बहुउद्देशीय सडक निर्माण : ग्रामीण विकासमा नयाँ आयाम | प्रतिनिधि सभा बैठक बस्दै, बजेट पारित गर्ने तयारी | नेपाल–चीन सचिवस्तरीय कूटनीतिक परामर्श संयन्त्रको बैठक बस्दै | अब पुरानै ढर्राले व्यवसाय चल्न सक्दैन : गभर्नर | ‘कांग्रेसले पार्टीमाथि लागेका दागहरु सफा गर्न आवश्यक छ’ | बाँसको मुङ्ग्रो प्रहार गरि बहिनिको हत्या गरेको आरोपमा एक युवक पक्राउ | अपराधका घटनाहरुमा शून्य सहनशीलताको नीति अपनाउन निर्देशन दिएको छु : गृहमन्त्री |
मुख्य समाचार
जम्बो टोली लिएर एमाले उपमहासचिव चीन भ्रमणमा जाँदै | सातौं एसिया अन्तर्राष्ट्रिय तेक्वान्दोमा नेपाललाई पाँच स्वर्णसहित सात पदक | बोरिङको माध्यमबाट रोपाइँ नगर्न रोहिणी गाउँपालिकाको आग्रह | मर्चवारमा बहुउद्देशीय सडक निर्माण : ग्रामीण विकासमा नयाँ आयाम | प्रतिनिधि सभा बैठक बस्दै, बजेट पारित गर्ने तयारी | नेपाल–चीन सचिवस्तरीय कूटनीतिक परामर्श संयन्त्रको बैठक बस्दै | अब पुरानै ढर्राले व्यवसाय चल्न सक्दैन : गभर्नर | ‘कांग्रेसले पार्टीमाथि लागेका दागहरु सफा गर्न आवश्यक छ’ | बाँसको मुङ्ग्रो प्रहार गरि बहिनिको हत्या गरेको आरोपमा एक युवक पक्राउ | अपराधका घटनाहरुमा शून्य सहनशीलताको नीति अपनाउन निर्देशन दिएको छु : गृहमन्त्री |


ऐतिहासिक मदन मेला जेठ १३ देखि

Ujyalosandeshonline 3160+ समाचार ( )
१ जेठ २०८१, मङ्गलबार

तेह्रथुम । आठराई गाउँपालिकाको केन्द्र सक्रान्तिबजारमा लाग्दै आएको ऐतिहासिक मदन मेला यो वर्ष जेठ १३ देखि १९ गतेसम्म सञ्चालन हुने भएको छ । 

विगतमा अक्षय तृतीया र नयाँ वर्षको सेरोफेरो पारेर आयोजना हुने गरेको मेला यो वर्ष ढिला गरेर सञ्चालन हुन लागेको हो । यहाँ वि.सं. २०१५ सालदेखि नै मदन मेला लाग्दै आएको इतिहास छ । त्यसबेला मेलामा वरपरका गाउँका बासिन्दा जम्मा भएर मनोरञ्जनात्मक खेलकूद तथा सांस्कृतिक कार्यक्रमहरु गर्थे ।

द्धन्द्धकालमा केही वर्षहरुबाहेक निरन्तर सञ्चालन भएको मेलालाई पछिल्लो समय स्थानीय सरकारले नेतृत्व गर्दै सञ्चालन गर्ने गरेको छ । यो वर्ष भने प्राविधिक कारणवश मेला सञ्चालनमा ढिलाइ भएको आठराई गाउँपालिकाका अध्यक्ष दिलकुमार पाहिमले बताए । मेलामा यो वर्ष पनि खुला पुरुष तथा महिला फुटबल प्रतियोगिता, स्थानीय तहस्तरीय पुरुष भलिबल प्रतियोगितासहित विभिन्न कार्यक्रम सञ्चालन गर्ने तयारी रहेको आयोजकले जनाएका छन् । 

यो वर्ष मेला सञ्चालनका लागि गाउँपालिकाका उपाध्यक्ष एवम् मदन धारा समितिका सदस्य बलीराज इङनामको अध्यक्षतामा मेला सञ्चालन समिति गठन गरिएको छ । 

मेला आयोजक समितिका अध्यक्ष इङनामले ऐतिहासिकरुपमा हुँदै आएको मेलाको तयारी तीब्ररुपमा भइरहेको बताएका छन् । यो वर्ष पुरुष फुटबलतर्फ विजेतालाई दुई लाख रुपैयाँ र उपविजेतालाई एक लाख ३० हजार रुपैयाँ पुरस्कार राशी तोकिएको छ । 

त्यस्तै, महिला फुटबलतर्फ विजेतलाई ८० हजार र उपविजेतालाई ६० हजार रुपैयाँ तोकिएको छ । स्थानीय तहस्तरीय भलिबल प्रतियोगितामा विजेतालाई ५० हजार र उपविजेतालाई ३५ हजार रुपैयाँ पुरस्कार राशी रहेको छ । 

स्वर्गीय मदन शमशेरको स्मृतिमा उनकी श्रीमती जगदम्बाले यहाँ खानेपानीको समस्या देखेर धारा, औषधालय र अतिथि भवन स्थापना गर्न सहयोग गरेकी थिइन् । त्यसबेला उनले धारा, औषधालय र भवन सञ्चालनका लागि चलअचल सम्पत्ति समेत हस्तान्तरण गरेको बताइन्छ । त्यहीबेला देखि मदन शमशेरको स्मृतिमा मेला सञ्चालन सुरुवात भएको पाइन्छ । 

अतिथि भवन माओवादी केन्द्रले सशस्त्र द्धन्द्धका बेला ध्वस्त पारेका थिए भने त्यसैबेला आम्दानीका श्रोतकारुपमा रहेका जमीनहरु हडपेपछि औषधालय समेत बन्द भएको थियो । पछिल्लो समय सरोकारवालाहरुले मदन ट्रष्टका रुपमा रहेका सम्पत्तिको संरक्षणको प्रयास गर्दै आएका छन् । तर राज्यको कसिलो अनुगमन र नियन्त्रण नहुँदा त्यसको दुरुपयोग भएको आरोप समेत लाग्दै आएको छ । 


प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार