विराटनगर । कोशी प्रदेश सरकारले आर्थिक वर्ष २०८२–८३ का लागि तयार पारेको नीति तथा कार्यक्रम यही जेष्ठ ५ गते, सोमबार प्रदेश सभामा प्रस्तुत गरिने भएको छ । आइतबार बसेको कोशी प्रदेश मन्त्रिपरिषदको बैठकले नीति तथा कार्यक्रम प्रदेश सभामा पेश गर्ने निर्णय गरेको हो ।
आन्तरिक मामिला तथा कानुनमन्त्री रेवती रमण भण्डारीका अनुसार सरकारको नीति तथा कार्यक्रम प्रस्तुत गर्न प्रदेश प्रमुख परशुराम खापुङलाई अनुरोध गर्ने निर्णय समेत मन्त्रिपरिषदबाट गरिएको छ ।
मन्त्री भण्डारीले बताए अनुसार, मन्त्रिपरिषदले नीति तथा कार्यक्रम पारित गरिसकेको छ र त्यसलाई प्रदेश सभामा प्रस्तुत गर्न आवश्यक प्रक्रिया अघि बढाइएको छ। नीति तथा कार्यक्रम प्रस्तुत गर्नका लागि आवश्यक सबै तयारी पूरा गरिएको जानकारी उनले दिएका छन् ।
