काठमाडौं । नेपाली कांग्रेसका नेता शशाङ्क कोइरालाले आफ्नो लागि मात्र राजनीति नगरेर हाम्रो समाजको लागि आफूहरुले राजनीति गर्नुपर्ने बताएका छन् । बुुधबार स्वं राजनारायण श्रेष्ठको पहिलो स्मृति सभा तथा स्मृति ग्रन्थ विमोचन कार्यक्रममा बोल्दै उनले विपी कोइरालाको जुन विचार छ त्यो विचारमा नै अडिक रहेर राजनीति गनुपर्ने बताएका हुन् ।
उनले भने, ‘जिवन हामीले एक चोटी पाउने हो । तपाईंले कसरी प्रयोग गर्नुहुन्छ ? तपाईंको परिचय तयसबाट हुन्छ । मरीसकेपछि मान्छेले सम्झिन्छन् । आज विपी कोइरालालाई किन सम्झिन्छौं ? उहाँ करोडपति त हुनुहुन्थ्यो । विपीले आफ्नो लागि नभएर अरुको लागि आफ्नो जिवन प्रयोग गर्नुभयो । तपाईं आफूबाट निस्किएर गएपछि मात्र राजनीति सुरु हुन्छ ।
आफ्नै बारेमा मात्र चिन्ता गरेर गर्नुहुन्छ भने त्यस्तो राजनीति चल्दैन । हाम्रो समाज कस्तो छ ? हजारौं वर्षदेखी चलिरहेको समाजको निरन्तरता हामीले दिने हो । विपी कोइरालाको जुन विचार छ त्यो विचारमा अडिग रहेर हामीले अगाडि बढ्नुपर्छ।’ साथै उनले आफ्नो लागि नभैइ अर्काको लागि राजनीति गर्नु नै सबैभन्दा राम्रो पक्ष भएको बताए । उनले जब अर्काको लागि गरिन्छ तब मात्र राजनीति सुरु हुने बताए ।
