मुख्य समाचार
रुपन्देहीमा २७ लाखभन्दा बढीको अवैध सामानसहित भारतीय कार बरामद | नेपाली कांग्रेसद्वारा देशव्यापी ‘हामी तयार छौँ’ अभियान सञ्चालन हुने | रुपन्देहीमा सशस्त्र प्रहरीद्वारा ६ लाख बढीको अवैध सामान बरामद | कावासोतीमा यात्रुवाहक बस दुर्घटना हुँदा २५ जना घाइते | उदाउँदो सूर्यलाई अर्घ्य दिएसँगै चार दिवसीय छठ पर्व विधिवत् रूपमा सम्पन्न | साढे चार लाखभन्दा बढी मूल्यको अवैध चराको प्वाख र मोटरसाइकलसहित चालक नियन्त्रणमा | छठ पर्वले सामाजिक एकता र सहअस्तित्वको भावना बलियो बनाउँछः मुख्यमन्त्री आचार्य | आज छठ पर्वको मुख्य दिन: साँझ अस्ताउँदो सूर्यलाई अर्घ्य दिइँदै | छठ पर्वलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा | रास्वपा र सरकारबिच विवाद छैन : सभापति लामिछाने |
मुख्य समाचार
रुपन्देहीमा २७ लाखभन्दा बढीको अवैध सामानसहित भारतीय कार बरामद | नेपाली कांग्रेसद्वारा देशव्यापी ‘हामी तयार छौँ’ अभियान सञ्चालन हुने | रुपन्देहीमा सशस्त्र प्रहरीद्वारा ६ लाख बढीको अवैध सामान बरामद | कावासोतीमा यात्रुवाहक बस दुर्घटना हुँदा २५ जना घाइते | उदाउँदो सूर्यलाई अर्घ्य दिएसँगै चार दिवसीय छठ पर्व विधिवत् रूपमा सम्पन्न | साढे चार लाखभन्दा बढी मूल्यको अवैध चराको प्वाख र मोटरसाइकलसहित चालक नियन्त्रणमा | छठ पर्वले सामाजिक एकता र सहअस्तित्वको भावना बलियो बनाउँछः मुख्यमन्त्री आचार्य | आज छठ पर्वको मुख्य दिन: साँझ अस्ताउँदो सूर्यलाई अर्घ्य दिइँदै | छठ पर्वलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा | रास्वपा र सरकारबिच विवाद छैन : सभापति लामिछाने |


ओली बिनाको एमाले र एमाले बिनाको नेपाल बनाउने षडयन्त्र हुँदैछ : कमलप्रसाद चौलागाईँ

Ujyalosandeshonline 12679+ समाचार ( )
७ भाद्र २०८२, शनिबार

रामेछाप । नेकपा एमाले पोलिटब्युरो सदस्य कमलप्रसाद चौलागाईँले नेपाल माथि अहिले पनि विदेशी हस्तक्षेप जारी रहेको बताएका छन् । नेकपा एमाले रामेछापको पाँचौँ पूर्णबैठकलाई शनिबार सम्बोधन गर्दै चौलगाईँले त्यही अन्तर्राष्ट्रिय गिरोहले केपी ओली बाहेकको एमाले र एमाले बाहेकको नेपाल बनाउने षडयन्त्र गरिरहेका चौलागाईँको दाबी छ । 

उनले भने, ‘अहिले पूर्वराष्ट्रपतिले राजनीतिमा आउने  भनेको कुरा त्यही षडयन्त्रको परिणाम हो ।’ केपी ओलीलाई अहिले पार्टी अध्यक्षबाट हटाउनुपर्ने अन्य कुनै कारण नभएको उनले दाबी गरे । उनले भने, ‘चौतर्फी आक्रमण भएको बेला, सबै एक भएर घेराबन्दी गरेको बेला समेत पार्टीलाई पहिलो पार्टी नेतृत्वलाई बचाउने कुरा हो अहिले, राष्ट्रको अहित गरेको कारणले होइन । बाह्य हस्तक्षेत्रको विरोध गरेको कारण अहिले केपी ओलीको विरोध भएको हो । राष्ट्रिय हितको नेतृत्व गरेको नेतालाई हामीले बचाएर लैजानुपर्छ ।’ 

नेपालमाथि लगातार भारतीय हस्तक्षेप भएको बताउँदै चौलागाईँले त्यसको सशक्त प्रतिवाद गर्ने नेता केपी ओली नै भएको बताए । भारतको नाकाबन्दीको सामना गर्ने कुरा होस् वा चुच्चे नक्सा जारी गर्ने बेला होस् सबै मुद्दामा केपी ओली चट्टान जस्तै उभिएका उनले दाबी गरे । नेपालमा स्थिरता हुन नदिन, अस्थिरताको खेल खेलिरहन चाहने शक्तिले एमाले भित्र फुट र विभाजनको आगो लगाउने काम गरेका उनको भनाइ छ ।

अहिले पूर्वराष्ट्रपति विद्यादेवी भण्डारीको गतिविधि पनि त्यसकै परिणाम भएको उनको दाबी छ । ‘हामी मिसन २०८४ भने अघि बढ्यौँ, एमाले एक भएर संगठनलाई सुदृढ गरेर गयो भने २०८४ मा स्पष्ट बहुमत ल्याउन सक्छ भन्ने ती शक्तिहरूले बुझेका छन्, त्यसैले यस्तो गतिविधि भएका हुन्, अझै २०८४ सम्म यस्ता धेरै गतिविधि हुन्छन्’, उनले भने । 

चौलागाईँले पार्टीको जरा केन्द्रित अभियानले राजनीतिक र सामाजिक स्थितिको जानकारी भएको बताउँदै उनले त्यही प्रतिवेदनको आधारमा पार्टीको कामलाई अघि बढाउनु पर्नेमा जोड दिए । पार्टीका तलका कमिटीलाई बलियो बनाउने कुरामा ध्यान दिनु पर्नेमा उनको जोड छ । ‘मुख्य केन्द्र पालिकालाई बनाउनु पर्छ, पालिकाले सक्षम नेतृत्व खोजेको छ’, उनले भने ।

प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार