बाजुरा । महिला, बालबालिका तथा यौनिक अल्पसङ्ख्यक र सामाजिक सुरक्षा मन्त्रालयअन्तर्गत महिला समुत्थान परियोजनाको आयोजना तथा जिल्ला प्रहरी कार्यालय बाजुराको समन्वय र सहकार्यमा बाजुरामा जिल्लास्तरीय लैङ्गिक हिंसा नियन्त्रण सञ्जाल समितिको एकदिने अभिमुखीकरण कार्यक्रम सम्पन्न भएको छ।
मन्त्रालयका उपसचिव मिलन भट्टराईको प्रमुख आतिथ्य तथा बाजुराका प्रहरी नायब उपरीक्षक शैलेश्वरी बोहराको अध्यक्षतामा आयोजित सो कार्यक्रममा जिल्लास्तरीय लैङ्गिक हिंसा नियन्त्रण सञ्जाल समितिका पदाधिकारी, विभिन्न सरोकारवाला निकाय एवं सङ्घसंस्थाका प्रमुख तथा प्रतिनिधिहरूको उपस्थिति रहेको थियो। अभिमुखीकरणका क्रममा लैङ्गिक हिंसा नियन्त्रण, सञ्जालको भूमिका तथा सरोकारवालाहरूबीचको समन्वयका विषयमा छलफल भएको जनाइएको छ।
