भैरहवा- सशस्त्र प्रहरी बलले रुपन्देहीको सियारीबाट पेस्तोलसहित एकजनालाई पक्राउ गरेको छ । सियारी गाउँपालिका-२, च्याङ्था इलाकामा सशस्त्रको सुरक्षा बेश अमुवाबाट सशस्त्र प्रहरी निरीक्षक दीपक खड्काको कमाण्डमा खटिगएको ९ जनाको गाडी मोबाइल टोलीले चेकजाँच गर्ने क्रममा राति पौने ११ बजे पेस्तोल सहित मानिस पक्राउ गरेको हो ।
पक्राउ पर्नेमा सोही स्थानका स्थानीय विशम्बर थारुको छोरा बर्ष ४१ को अमेरिका थारु (अजय थारु) छन् । उनको साथबाट एकथान अन्दाजी ६ मि.मि. राउण्ड लाग्ने रिभलवर पेस्तोल र लाभा कम्पनीको एकथान मोबाइल सेट नियन्त्रणमा लिइएको सशस्त्र प्रहरी बल नम्वर २७ गण, रुपन्देही प्रवक्ता (डीएसपी) मोहन न्यौपानेले जानकारी दिए ।
नियन्त्रणमा लिएका मानिस र पेस्तोलसहित अन्य सामग्री आवश्यक कारवाहीका लागि राति नै इलाका प्रहरी कार्यालय, छपियामा बुझाइएको सशस्त्रले जनाएको छ ।
