भैरहवा । राष्ट्रिय दलित पत्रकार संघ, नेपाल रुकुम पूर्वका अध्यक्ष स्वर्गीय विक्रम परियारको स्मृतिमा शोक सभा सम्पन्न भएको छ ।
नेपाल राष्ट्रिय दलित पत्रकार संघ, नेपाल केन्द्रिय समितिको आयोजनामा बुधबार काठमाडौंमा शोक सभा सम्पन्न भएको हो । सभामा बोल्दै संघका केन्द्रिय अध्यक्ष विनोद पहाडीले दलित पत्रकारहरुलाइ ऐक्यबद्ध बनाउन परियारले महत्वपूर्ण भूमिका खेलेको बताए । जिल्लामा दलित पत्रकार संगै पत्रकारीतालाइ राम्ररी बुझेका परियारको निधनले पत्रकारिता जगतमा अपूरणिय क्षती भएको पहाडीले बताए । उनले परियारको स्मृतिमा अक्षयकोष स्थापना गरि युवा पत्रकारलाइ पुरस्कार प्रदान गर्ने संघले निर्णय गरेको जनाए । यस संगै संघको पुर्व निर्धारित कार्यक्रम पनि तत्काललाइ स्थगित गरिएको उनले बताए।
राष्ट्रिय दलित पत्रकार संघको अधिवेशनमा भाग लिन आउने क्रममा विक्रम परियारको वाग्लुङ्ग मुसिकोटको निसिखोलामा भएको बस दुर्घटनामा परि मृत्यु भएको थियो ।
