मर्चवार । रुपन्देही जिल्ला समन्वय समितिको मासिक घुम्ती बैठक सम्मरीमाई गाउँपालिका अध्यक्ष बिनोद कुमार श्रीवास्तवको अध्यक्षतामा सम्पन्न भएको छ। बैठकमा अनुदान बजेट कार्यान्वयन, शान्ति सुरक्षा, नक्सा पास अनिवार्य गर्ने, डिजे तथा पटाका नियन्त्रण, सार्वजनिक जग्गा अतिक्रमण हटाउने र धानको पराल जलाउन रोक्नेबारे छलफल भयो।
जिल्ला समन्वय समिति प्रमुख उमाकान्त चपाईले नक्सा पास अनिवार्य गर्न र पराल जलाउन रोक्न आग्रह गर्नुभयो। प्रजिअ विश्वप्रकाश अर्यालले असार मसान्तमा काम गर्ने परिपाटी सुधार्न र अतिक्रमण हटाउने अदालतको आदेश कार्यान्वयन गर्न निर्देशन दिनुभयो। प्रहरी उपरीक्षक जनकबहादुर शाहीले डिजे व्यवसाय दर्ता र सुरक्षामा सहयोग माग्नुभएको थियो।
