भैरहवा । रुपन्देहीको सिद्धार्थनगर–१२ स्थित ऐतिहासिक श्री गणेश कालिका मन्दिर सञ्चालक समितिको अध्यक्षमा समाजसेवी ज्ञानप्रसाद काफ्ले सर्वसम्मत चयन भएका छन् । मन्दिरको सातौं साधारणसभा तथा चौथो अधिवेशनले काफ्लेको नेतृत्वमा नयाँ कार्यसमिति निर्विरोध चयन गरेको हो ।
निर्वाचन प्रमुख अधिवक्ता कृष्णप्रसाद ढकालका अनुसार समितिको उपाध्यक्षमा विश्व काफ्ले, सचिवमा टिकाराम भट्टराई, कोषाध्यक्षमा तिलक कुमार प्रधान, सहसचिवमा शारदा पन्त र सहकोषाध्यक्षमा बाबुराम न्यौपाने चयन भएका छन् । त्यस्तै, सदस्यहरुमा कृष्णराज गिरी, सावित्री बराल, मिना श्रेष्ठ, राम बन्जाडे र गिता गौतम निर्विरोध निर्वाचित भएका छन् । कार्यक्रम को उद्घाटन गर्दै सिद्धार्थनगर–१२ का वडा सदस्य एवं युवा नेता ईशान भण्डारीले मन्दिरको संरक्षण र विकासका लागि नगरपालिका सदैव तत्पर रहने प्रतिबद्धता व्यक्त गरे ।
